„Capitol HPS“- ის ძირითადი  მიზანია მაქსიმალურად  შეუწყოს ხელი ტურიზმისა და მისი ინფრასტრუქტურის განვითარებას საქართველოში. იგი დაფუძნდა 2016 წელს და შედის Capitol Investment Group - ის შემადგენლობაში, რომელშიც ჩვენი კომპანიის გარდა გაერთიანებულია სხვადასხვა პროფილის (სოფლის მეურნეობა, მშენებლობა, დეველოპმენტი, საინვესტიციო პროექტების მენეჯმენტი, საერთაშორისო ბრენდების წარმომადგენლობა, სასტუმროების მართვა და ა.შ.) რამდენიმე კომპანია.

 

„Capitol HPS“-ი არის სასტუმროების გლობალური ქსელის, „BWH Hotel Group“-ის ოფიციალური დეველოპერი საქართველოში, რომელშიც შედის სასტუმროების შემდეგი 3 ცნობილი კომპანია: Worldhotels Collection, Best Western Hotels & Resorts და SureStay Hotel Group-ი.

 

„Capitol HPS”- ის ძირითადი ამოცანაა მაქსიმალურად შეუწყოს ხელი „BWH Hotel Group“-ის შემავალი  კომპანიების გაფართოებას საქართველოში. დღევანდელი მდგომარეობა ჯგუფში შემავალი ცალკეული კომპანიების მიხედვით ასეთია:

 

„Best Western Hotels & Resorts“ - ამ ქსელთან თანამშრომლობის მისაღები და მარტივი პირობების გამო,  ჩვენი შეთავაზება საკმაოდ მოთხოვნადი აღმოჩნდა ადგილობრივ ბაზარზე.  

მიმდინარე მომენტისთვის(2020 წლის ოქტომბერი) საქართველოში უკვე გვაქვს „Best Western Hotels & Resorts“-ის 3 ბრენდი, 7 სასტუმრო, აქედან 6 მოქმედია და 1 მშენებარე, ათვისებული გვაქვს საქართველოს 5 რეგიონის (ქვემო ქართლი, მცხეთა-მთიანეთი, იმერეთი, აჭარა და სამცხე-ჯავახეთი) 6 ლოკაცია(თბილისი, ბათუმი, ქუთაისი, საირმე, გუდაური და ლიკანი), საიდანაც 4 კურორტია(ბათუმი, საირმე, ბორჯომი - ლიკანი და გუდაური). 

გამომდინარე COVID-19 ის მიერ შექმნილი პრობლემებიდან დღეისათვის შეფერხებულია  ქსელის განვითარების პროცესიც და შესაბამისად ძნელია მომავლის პროგნოზირება, მაგრამ ვიმედოვნებთ, რომ მალე სიტუაცია უკეთესობისკენ შეიცვლება. პანდემიის დაწყებამდე დასრულებული გვქონდა მოლაპარაკება ოთხ საინტერესო პროექტზე(სალხინო, სუფსა, ქუთაისი და მწვანე კონცხი)  და ვემზადებოდით ხელშეკრულებების გასაფორმებლად, მაგრამ კრიზის გამო ეს პროცესი შეჩერდა და გადაიდო მომავალი წლისთვის.   მიუხედავად ამისა ჩვენ განვაგრძობთ აქტიურ მუშაობას და დღეისათვის ვაწარმოებთ მოლაპარაკებას კიდევ რამდენიმე ახალი საინტერესო პროექტის მეპატრონესთან. 

„WorldHotels” - ი ჯგუფის შემადგენლობაში შევიდა 2019 წლის დასაწყისში და ამიტომ საქართველოში, ჯერ კიდევ არ გვაქვს ამ ქსელში შემავალი არც ერთი მოქმედი სასტუმრო, ასეთივე მდგომარეობაა SureStay-ის შემთხვევაშიც, თუმცა უკვე მიმდინარეობს მოლაპარაკება რამდენიმე პროექტზე.   

 

გარდა წარმომადგენლობითი ფუნქციისა, ჩვენი კომპანია  ტურიზმის  სფეროში ინვესტიციებით დაინტერესებულ ფიზიკურ და იურიდიულ პირებს ასევე სთავაზობს საკონსულტაციო და საშუამავლო მომსახურეობას, როგორც ტურიზმთან დაკავშირებული უძრავი ქონების ყიდვა-გაყიდვის, ასევე სხვა და სხვა სახის ტურისტული ინფრასტრუქტურის (სასტუმრო, რესტორანი, ბარი და ა.შ)  პროექტირების,  მშენებლობის, ასევე მათ აღჭურვის და მართვის მიმართულებით.

 

 

ჩვენთან თანამშრომლობის სურვილის შემთხვევაში, დაგვირეკეთ ან მოგვწერეთ კონტაქტში მითითებულ ნომრებზე ან მეილზე, ჩვენ კი  შევეცდებით დაგეხმაროთ თქვენი მოთხოვნების დაკმაყოფილებაში, თქვენთვის საინტერესო პირობებით და დაკვეთილი სამუშაოების შესრულების მაღალი ხარისხით

 

ველით თქვენს გამოხმაურებას.