მიმდინარე წლის 27 – 29 აპრილს, ქ.თბილისში, საგამოფენო ცენტრ „ექსპო ჯორჯია“-ში გაიმართა მე-19 საერთაშორისო ტურისტული გამოფენა, Caucasus Tourism Fair – CTF, რომელიც სამ დღის განმავლობაში უწევდა მასპინძლობას გამოფენის მონაწილეებს და დამთვარიელებლებს.

ჩვენი კომპანია  წარმოდგენილი იყო Best Western Hotels & Resorts-ის ქსელში შემავალ ახალ 45 ნომრიან სასტუმროთი, Best Western Kutaisi, რომელმაც ამ გამოფენაზე დიდი მოწონება და ინტერესი დაიმსახურა სტუმრებს შორის(იხილეთ სურათები). გამოფენის მსვლელობისას ქუთაისის სასტუმრომ, გააფორმა რამდენიმე ახალი ხელშეკრულება როგორც ქართულ, ასევე უცხოურ  ტურისტულ კომპანიებთან.

შედგა ასევე მრავალი საინტერესო კონტაქტი ამ გამოფენაში მონაწილე სხვადასხვა სახის კომპანიებთან,  სტუმრებთან და Best Western Hotels & Resorts-თან თანამშრომლობით დაინტერესებულ პირებთან.

2017 წლის 26 აპრილს, ქ. თბილისში, სასტუმრო „მარიოტი“-ს ბალ-რუმში შედგა საქართველოს ტურიზმის ეროვნულმა ადმინისტრაციისა და  საქართველოს ეკონომიკისა და მდგრადი განვითარების სამინისტროს მიერ ერთობლივად მომზადებული წიგნის „სახელმძღვანელო შემომყვანი ტურიზმის ბიზნესის დასაგეგმად“-ს პრეზენტაცია, რომელიც გათვალისწინებულია როგორც სახელმძღვანელო უმაღლესი სასწავლებლის სტუდენტებისთვის. ეს წიგნი ასევე ძალიან საინტერესო იქნება საქართველოში ტურიზმის სფეროში ინვესტიციებით დაინტერესებული როგორც ადგილობრივი  ბიზნესმენებისთვის, ასევე უცხოელი ინვესტორებისთვისაც, რადგან მასში მოცემულია ტურიზმის სფეროსთან დაკავშირებული, როგორც ყველა აუცილებელი სახის საკანონმდებლო ნორმატიული, ასევე მრავალი სხვა    საინტერესო  ინფორმაცია.

ამ წიგნის ერთ-ერთ თავში, სადაც ლაპარაკია ფრენშაიზინგზე(იხილე გვ.30), ცალკე არის მოცემული მოკლე ინფო „ბვ“-ს შესახებ და უფრო დაწვრილებითი ინფორმაციისათვის მითითებულია ჩვენი საიტის ლინკი.

იხილეთ პდფ ფაილი

გთავაზობთ ბატონი გოჩა ჯაიანის ინტერვიუს, რომელიც გამოქვეყნდა ახალგამოცემულ ჟურნალ „დიპლომატი“ - ს, პირველ სასიგნალო ნომერში, სადაც დირექტორი კომპანიის შესახებ ვრცლად საუბრობს.  ინტერვიუ განთავსებულია ჟურნალის 41-44 გვერდებზე

იხ.ინტერვიუ

„2017 წლის 3 აპრილს საზეიმოდ გაიხსნა „Best Western Kutaisi”, რიგით მეორე სასტუმრო საქართველოდან, რომელიც შეუერთდა „Best Western Hotels & Resorts”-ის ცნობილ  სასტუმროების ქსელს. „Best Western Kutaisi“, რომელიც საპარტნიორო ფონდმა „კაპიტოლ ქუთაისი ჰოტელთან" პარტნიორობით ააშენა ,იმერეთის რეგიონში პირველი ბრენდირებული სასტუმრო იქნება. სასტუმროს საოპერაციო მართვას საერთაშორისო სასტუმროების მმართველი კომპანია T3 Hospitality Management-ი გაუწევს.

ქუთაისის ისტორიულ ცენტრში განთავსებულ სასტუმროს 40 სტანდარტული და 5 ლუქსის ტიპის ნომრის გარდა,ასევე აქვს ადაპტირებული ნომერი და შესაბამისი ინფრასტრუქტურა. სასტუმრო ასევე მოიცავს 3 საკონფერენციო დარბაზს, ღია და დახურული ტიპის კაფე-რესტორანს.

პრეზენტაციასაც ესწრებოდნენ ქვეყნის პრემიერმინისტრი, მინისტრთა კაბინეტის წევრები, საპარტნიორო ფონდის აღმასრულებელი დირექტორი, პარლამენტის  დეპუტატები, რეგიონის გუბერნატორი, ქალაქის მერი და სხვა სახელმწიფო პირები. პრეზენტაციაზე მოწვეული იყვნენ ასევე ცნობილი ბიზნესმენები როგორც საქართველოდან ასევე უცხოეთიდან. საზეიმო გახსნის ცერემონია  ფართოდ გაშუქდა წამყვან სატელევიზიო არხებზე და პრესაში. პრეზენტაციამ ძალიან წარმატებულად ჩაიარა და დასრულდა სადღესასწაულო ფეირვერკით.